एमआयटी स्कुल ऑफ गव्हर्नमेंट” अंतर्गत सातारा जिल्हा सातारा जिल्हा सरपंच संसद आयोजन

एमआयटी स्कुल ऑफ गव्हर्नमेंट” अंतर्गत सातारा जिल्हा सरपंच संसद”चे आयोजन करण्यासाठी जिल्हा मुख्य कार्यकारी अधिकारी व उपमुख्य कार्यकारी अधिकारी यांना सातारा जिल्हा सरपंच संसद आयोजन बाबतचे पत्र देण्यात आले

कोडोली प्रतिनिधी

MIT पुणे शिक्षणसंस्था समूहाच्या “MIT स्कुल ऑफ गव्हर्नमेंट” अंतर्गत “MIT राष्ट्रीय सरपंच संसद” स्थापन करण्यात आली आहे. महाराष्ट्र राज्यातील एकूण 34 ग्रामीण जिल्ह्यात “जिल्हा परिषद” व “राष्ट्रीय सरपंच संसद”यांच्या संयुक्त विद्यमाने प्रत्येक जिल्ह्यात प्रशासकीय अधिकारी-सरपंच-उपसरपंच-लोकप्रतिनिधी यांच्या सहभागाने “जिल्हा सरपंच संसद”चे आयोजन करण्यात येत आहे.
सातारा जिल्हा सरपंच संसद आयोजन बाबतचे पत्र आज जिल्हापरिषद मुख्य कार्यकारी अधिकारी मा.याशनी नागराजन यांना देण्यात आले.त्यांच्यावतीने हे पत्र उपमुख्य कार्यकारी अधिकारी मा. अर्चना वाघमळे यांनी स्वीकारले.
यावेळी सौ. स्वातीताई चव्हाण सातारा जिल्हा महिला समन्वयक, श्री. विक्रम जाधव सातारा जिल्हा अध्यक्ष , सौ.मिना परमणे सातारा शहर महिला समन्वयक,सौ.राणी पाटील जावळी तालुका महिला समन्वयक, श्री.प्रशांत पाटील कराड तालुका समन्वयक, श्री.मिलिंद लोहार पत्रकार दैनिक ऐक्य हे सर्व पदाधिकारी उपस्थित होते.


उपमुख्य कार्यकारी अधिकारी मा. अर्चना वाघमळे यावेळी सौ. स्वातीताई चव्हाण ,विक्रम जाधव ,मिना परमणे ,राणी पाटील ,प्रशांत पाटील,मिलिंद लोहार

Shibu Rajan MSME

MSME PCI च्या महाराष्ट्र अध्यक्षपदी शिबू राजन यांची नियुक्ती

 

MSME PCI च्या महाराष्ट्र अध्यक्षपदी शिबू राजन यांची नियुक्ती

नवी दिल्ली – MSME PCI अर्थात एमएसएमई प्रमोशन कौन्सिल ऑफ इंडिया च्या माध्यमातून भारत सरकार शहरी व ग्रामीण भागातील प्रत्येक युवाला आणि रोजगाराच्या शोधात असलेल्या गरजूंना तसेच महिलांना सक्षम करण्यासाठी लघु, सुक्ष्म आणि मध्यम उद्योगाशी जोडण्याचे काम करत आहे. याच कौन्सिल च्या महाराष्ट्र अध्यक्षपदी शिबू राजन यांची नियुक्ती करण्यात आली आहे.
नवी दिल्ली येथे झालेल्या कौन्सिल च्या बैठकीत राष्ट्रीय अध्यक्ष प्रदीप मिश्रा यांनी शिबू राजन यांना नियुक्ती पत्र दिले. यावेळी राष्ट्रीय कमिटीने शिबू राजन यांना पुढील वाटचालीसाठी शुभेच्छा दिल्या.
कर्ज पुरवठ्यासाठी मदत
MSME ही लहान व्यवसायिकांसाठी एक महत्त्वाची योजना आहे, ज्या अंतर्गत कोणताही व्यावसायिक MSMEPCI अंतर्गत सुलभ कर्ज प्रक्रियेद्वारे त्याचा व्यवसाय पुढे नेण्यासाठी भांडवल मिळवू शकतो. छोट्या व्यवसायांना त्यांच्या व्यवसायाच्या कार्याचा विस्तार करण्यासाठी आवश्यक भांडवल मिळविण्यासाठी प्रयत्न करणार आहे.
कर्जाशी निगडित समस्यांचे निराकरण करण्यासाठी कौन्सिल च्या तज्ज्ञांची टीम कर्जदारांना मदत करणार आहे. MSME अंतर्गत इच्छुकांना कर्ज मिळवून देणे, त्यांच्या उत्पादन आणि सेवांना बाजार पेठ उपलब्ध करून देण्याचे काम देखील कौन्सिल च्या माध्यमातून केले जाणार आहे. महाराष्ट्रातील सर्व जिल्ह्यांमध्ये कौन्सिल च्या जिल्हास्तरीय समित्यांची नियुक्ती लवकरच केली जाणार आहे. महाराष्ट्रातील गरजूंपर्यंत केंद्र व राज्य सरकारच्या MSME च्या सर्व योजना पोहचवून त्याची अंमलबजावणी करण्यावर भर देणार असल्याचे कौन्सिल चे महाराष्ट्र अध्यक्ष शिबू राजन यांनी सांगितले आहे.