IAS Prashant Bhojne I गौतम बुद्ध व डॉ. बाबासाहेब आंबेडकरांसारख्या थोर महापुरुषांना वाचून अभ्यासाची आवड निर्माण – यूपीएससी उत्तीर्ण प्रशांत भोजने यांचे प्रतिपादन 

रायगडात प्रशांत भोजने यांचा ठिकठिकाणी सत्कार आणी कौतुक सोहळा

रायगड . (धम्मशील सावंत )यूपीएसी परीक्षेचा अभ्यास करीत असताना तथागत गौतम बुद्ध, डॉ.बाबासाहेब आंबेडकर व इतर थोर समजा सुधारक महापुरुषांचे वाचन करुन अभ्यास करण्याची एकाग्रता व आवड निर्माण झाली असल्याचे प्रतिपादन यूपीएससी परीक्षा उत्तीर्ण झालेले प्रशांत सुरेश भोजने यांनी केले. सुधागड तालुक्यासह रायगड, मुंबई, ठाणे जिल्ह्यातील विविध भागात भोजने यांचा सत्कार केला जातं आहे. आणि कौतुक सोहळा पार पडतोय . येथील ग्रामपंचायत वाघोशी व आदर्श नगर भेरव यांच्या वतीने सत्कार करण्यात आला.

प्रशांत भोजने म्हणाले, जीवनात काही बनायचं असेल तर फक्त दहावी, बारावी किंवा ग्रॅज्युएशन पर्यंत मर्यादित राहू नका तर त्यापुढे शिका एमपीएससी, यूपीएससी सारख्या स्पर्धा परीक्षा द्या त्यासाठी डॉ.बाबासाहेब आंबेडकरांच्या नावाने चालत असलेली बार्टी ही संस्था आपल्याला स्कॉलरशिप देते त्याचा फायदा घेण्याचे आवाहन देखील प्रशांत भोजने यांनी केले.

ठाणे येथील नागसेन नगर सारख्या कामगार वसाहतीत राहून यूपीएससी परीक्षा प्रशांत भोजने यांनी उत्तीर्ण करुन आई वडिलांचे स्वप्न साकार केले. यासाठी प्रशांतने नऊ वर्ष मेहनत घेऊन तासनतास अभ्यास केला. त्यामुळे यूपीएससी सारखी कठीण परीक्षा उत्तीर्ण होऊन घवघवीत यश मिळविले.

यासाठी प्रशांत यांचे आई वडील यांनी प्रचंड मेहनत घेऊन कोणत्याही गोष्टींची कमी पडू दिली नाही. या घवघवीत यशाबद्दल प्रशांत भोजने यांचे विविध संस्था राजकीय पक्ष व आंबेडकरी जनतेकडून सत्कार करण्यात येत आहेत.

यावेळी भारतरत्न राहकारी गृहनिर्माण संस्था नागसेननगर ठाणे या संस्थेवर नवनियुक्त झालेले मुख्य प्रवर्तक राहुल भीमराव पवार, उपाध्यक्ष पदी लक्षण मोते तर सेक्रेटरी पदी मुकेश गेहलोत यांची निवड झाली असून त्यांचा देखील यथोचित सत्कार यावेळी मान्यवरांकडून करण्यात आला.

यावेळी प्रशांत चे वडील सुरेश भोजने,आई सोनाली सुरेश भोजने, बहीण ऍड.श्रुतिका भोजने,माजी उपसरपंच दिपक पवार, भारतरत्न सहकारी गृहनिर्माण संस्था नागसेननगर ठाणे चे मुख्य प्रवर्तक राहुल भीमराव पवार,उपाध्यक्ष लक्ष्मण मोते,सेक्रेटरी मुकेश गेहलोत, राष्ट्रीय काँग्रेस ठाणे जिल्हा सरचिटणीस ऍड.किशोर कांबळे, पो.उपनिरीक्षक बालाजी जाधव,अभय गायकवाड,ऍड.कांबळे, सुनिल गायकवाड ग्रा.पंचायत सदस्य उत्तम देशमुख, सामाजिक कार्यकर्ते विशाल चिले,हेमंत मुजुमदार, शाखा अध्यक्ष चिंतामण पवार, खो.न.पा. युनियन अध्यक्ष अशोक पवार, सुरेंद्र खेडेकर, सुहास कुर्ले,मोरेश्वर कांबळे गुरुजी,गणेश सागळे, ऍड.सुशील गायकवाड,ऑ.इं.पंथर संघ.रा.जि.अध्यक्ष नरेश गायकवाड, सदस्य विवेक रोकडे, राहुल कांबळे,विश्वास वाघमारे तसेच ग्रामस्थ व महिला मंडळ उपस्थित होते.