खून प्रकरणामधील एका आरोपीस जामीन मंजूर
प्रशांत सकुंडे
मेढा ता. जावली येथे मागील वर्षी म्हणजेच मे २०२३ मध्ये मुंबई वरुण मित्राच्या लग्नासाठी आलेल्या एका तरुणास ७ ते ८ संशयितांनी मारहाण केली होती , या प्रकरणातील तरुणास लाकडी दांडके व हाता पायाने ( लाथा बुक्क्यांनी ) मारल्याचे आरोप संशयित आरोपींवर होते , मारहाणीनंतर सदर जखमी इसमाचा पुणे येथील ससून रुग्णालयात उपचारा दरम्यान मृत्यू झाल्यामुळे सदर प्रकरणामध्ये एकूण ८ ते ९ संशयित आरोपींवर मेढा पोलिस स्टेशन मध्ये गुन्हा दाखल होऊन पोलिस प्रशासनाने संशयितांना जून महिन्यात अटक केली होती.
सदर प्रकरणातील आरोपी क्रमांक ४ नामे अभिषेक सोनावने याच्यावर मयत इसमास मारहाण केल्याचे आरोप दोषारोप पत्रात होते , सदर आरोपीस मे. सत्र न्यायालयाने अटी व शर्तींवर जामीन मंजूर केला असून संशयित आरोपीच्या वतीने ॲड. प्रथमेश बनकर , ॲड. मंजित माने, ॲड. इंद्रजित पाटील यांनी जामीन अर्ज दाखल केला होता.
